இன்று கவனமாக இருக்க வேண்டிய ராசிக்காரர்கள் இவர்கள் தான்!

கார்த்திகை மாதம் சனிக்கிழமையான இன்று இரவு வரை பூசம், அதன்பின் ஆயில்யம் ஆகிய நட்சத்திரக்காரர்களுக்கு சந்திராஷ்டமம் இருப்பதால் மிகுந்த கவனத்துடன் இருக்க வேண்டும்.

மேஷ ராசி நேயர்களே, சுறுசுறுப்பான நாள் இன்று. நண்பர்களால் ஆதாயம் கிட்டும். பிள்ளைகளால் சிறுசிறு செலவுகள் வரக்கூடும்.

ரிஷப ராசி நேயர்களே, நினைத்தது நடக்கும் நாள். தொழிலில் லாபம் கிடைக்கும். உறவுகளிடம் இருந்து உதவிகள் கிடைக்கும்.

மிதுன ராசி நேயர்களே, வியாபாரத்தில் சிக்கல் இல்லை. பெரியவர்கள் அறிவுரைக்கு முன்னுரிமை கொடுப்பது நல்லது. வாகனத்தில் செல்லும் போது கவனமாக இருக்க வேண்டும்.

கடக ராசி நேயர்களே, உறவுகள் பிரச்சினையில் இழுத்து விடலாம். வாழ்க்கைத்துணையிடம் விட்டுக்கொடுத்து போவது நல்லது. நண்பர்களின் உதவி தக்க நேரத்தில் கிடைக்கும்.

சிம்ம ராசி நேயர்களே, பொறுமையை கடைபிடிக்க வேண்டிய நாள். பேசும் வார்த்தைகளை கவனத்துடன் தேர்வு செய்து பேசவேண்டும். குடும்பத்தினர் உடல் நலனில் அக்கறை கொள்ள வேண்டும்.

கன்னி ராசி நேயர்களே, கடன் சம்பந்தப்பட்ட விடயங்களில் அனுகூலம் உண்டாகும். உறவினர்கள் வழியில் நல்ல காரியங்கள் கைகூடும்.

துலாம் ராசி நேயர்களே, வியாபாரத்தில் லாபம் கிடைக்கும். குடும்ப உறுப்பினர்களால் அன்பும், ஆதரவும், அறிவுரைகளும் கிடைக்கும். தன்னம்பிக்கையுடன் இருப்பீர்கள்.

விருச்சிக ராசி நேயர்களே, பிள்ளைகளிடத்தில் சங்கடங்கள் உண்டாகலாம். பொறுப்புகள் அலைச்சலை கொடுக்கும். புதிய முயற்சிகளுக்கு உகந்த நாளாக இது இல்லை.

தனுசு ராசி நேயர்களே, முக்கிய முடிவுகளை தைரியமாக எடுப்பீர்கள். உறவுகள் செலவினை இழுத்து விடலாம். பேச்சில் கவனம் தேவை.

மகர ராசி நேயர்களே, உடன் பிறந்தவர்களால் செலவுகள் வரும். பேசும் பேச்சில் கவனமும் பொறுமையும் தேவை.

கும்ப ராசி நேயர்களே, வியாபாரத்தில் வாடிக்கையாளர்களிடம் கனிவுடன் நடந்துகொள்ள வேண்டும். நீண்ட நாட்களாக எதிர்பார்த்த பணம் கிடைக்கும். குடும்பத்தினர் உடல் நலனில் அக்கறை வேண்டும்.

மீன ராசி நேயர்களே, வீண் பேச்சு விபரீதத்தில் முடியும். பொறுப்புகள் அதிகம் ஆதலால் சோர்வும் உண்டாகும். சிந்தித்து செயல்பட வேண்டிய நாள்.