இன்று உறவுகளால் சிக்கலை சந்திக்கப் போகும் ராசிக்காரர்கள்!

கார்த்திகை மாதம் 23ம் நாள். 09 டிசம்பர், 2023. சனிக்கிழமையான இன்று காலை 10:10 வரை பூரட்டாதி அதன் பின்னர் உத்திரட்டாதி ஆகிய நட்சத்திரக்காரர்களுக்கு சந்திராஷ்டமம் இருப்பதால் மிகுந்த கவனத்துடன் இருக்க வேண்டும்.

மேஷ ராசி நேயர்களே, வீண் செலவுகள் ஏற்படலாம். ஆதலால் சிக்கனத்துடன் செலவு செய்ய வேண்டும். கணவன் மனைவியிடையே இருந்த மனக்கசப்பு நீங்கும்.

ரிஷப ராசி நேயர்களே, மறைமுக எதிரிகளால் ஏற்பட்ட தடங்கல்களை சுக்குநூறாக்குவீர்கள். எடுத்த காரியங்கள் அனுகூலமாக முடியும். மகிழ்ச்சியுடனும், தன்னம்பிக்கையுடனும் வலம் வரும் நாள்.

மிதுன ராசி நேயர்களே, குடும்பத்தினரிடம் அனுசரணையாக நடந்துகொள்ளுங்கள். பேசும் வார்த்தைகளை கவனத்துடன் பயன்படுத்துங்கள். பொறுமை மிகவும் தேவைப்படும் நாள்.

கடக ராசி நேயர்களே, நீண்ட நாட்களாக எதிர்பார்த்த நல்ல செய்திகள் வந்தடையும். புதிய முயற்சிகள் வாழ்வில் ஏற்றத்தை தரும். வியாபாரத்தில் லாபமும் முன்னேற்றமும் உண்டாகும்.

சிம்மம்: சிம்ம ராசி நேயர்களே, எதிர்பாராத பணவரவு உண்டாகும். அரசாங்கம் மற்றும் நீதிமன்றம் சம்பந்தப்பட்ட காரியங்கள் அனுகூலமாக முடியும். உறவினர்களால் சிக்கல்கள் ஏற்படலாம்.

கன்னி ராசி நேயர்களே, கணவன் மனைவியிடையே அன்பும், பாசமும் பெருகும். கடினமான உழைப்பை கோரும் நாள். வாகனத்தில் செல்லும் போது கவனத்துடன் செல்வ வேண்டும்.

துலாம் ராசி நேயர்களே, உறவினர்களால் சில சிக்கல்கள் வரலாம். உங்கள் புத்தி சாதூரியத்தால் அதை முடித்து காட்டுவீர்கள். வீண் செலவுகள் கையிருப்பை கரைக்கக் கூடும்.

விருச்சிக ராசி நேயர்களே, உறவினர்கள் வழியில் ஆதாயம் கிடைக்கும். வாழ்க்கைத் துணையிடம் விட்டுக்கொடுத்து போவது நல்லது. புதிய நண்பர்கள் கிடைப்பார்கள்.

தனுசு ராசி நேயர்களே, புத்திசாலித்தனமாக செயல்படுவீர்கள். குடும்பத்தில் உங்கள் வார்த்தைக்கு மதிப்பு கூடும். நண்பர்களால் ஆதாயம் கிட்டும்.

மகர ராசி நேயர்களே, புதிய முயற்சிகளை தள்ளிப்போடுவதால் கெடுதல் விளையாது. குடும்ப பொறுப்புகள் அலைச்சலை கொடுக்கும். தொழில் இயல்பாகவே நடக்கும்.

கும்ப ராசி நேயர்களே, குடும்ப உறுப்பினர்கள் மனவலியை தரக்கூடும். அரசாங்க காரியங்களில் சுணக்கம் ஏற்படும். உணர்ச்சிவசப்படாமல் இருப்பது நல்லது.

மீன ராசி நேயர்களே, கணவன் மனைவியிடையே சச்சரவுகள் வந்து போகும். உறவினர்கள் சங்கடங்களை ஏற்படுத்துவர். பணம் சம்பந்தப்பட்ட விடயங்களில் மிகவும் கவனமாக இருப்பது அவசியம்.