இன்று முன்னேற்றம் காணப்போகும் ராசிக்காரர்கள்!

கார்த்திகை மாதம் 17ம் நாள். 03 டிசம்பர், 2023. ஞாயிற்றுக்கிழமையான இன்று இரவு 10:45 வரை பூராடம், அதன் பின்னர் உத்திரம் ஆகிய நட்சத்திரக்காரர்களுக்கு சந்திராஷ்டமம் இருப்பதால் மிகுந்த கவனத்துடன் இருக்க வேண்டும்.

மேஷ ராசி நேயர்களே, தன்னம்பிக்கையுடன் செயல்படுவீர்கள். தடைகளை சுக்குநூறாக்குவீர்கள். புதிய முடிவுகளை எடுத்து வெற்றி காண்பீர்கள். குடும்பத்தினர் சில சிக்கல்களை ஏற்படுத்தலாம்.

ரிஷப ராசி நேயர்களே, தொழிலில் வளர்ச்சியை காண்பீர்கள். லாபமும் அதிகரிக்கும். பெரிய பதவிகளில் உள்ளவர்கள் நட்பு கிடைக்கலாம். குடும்பத்தில் மகிழ்ச்சி நிலவும்.

மிதுன ராசி நேயர்களே, மனதில் இருந்த குழப்பங்கள் நீங்கி தெளிவு பிறக்கும். தொழில் போட்டிகள் குறையும். புதிய முயற்சிகளை மேற்கொள்ளும் நாள்.

கடக ராசி நேயர்களே, வேலையை செய்து முடிப்பதற்கு, நீங்கள் உங்களை நம்புவதே சிறந்தது. வியாபாரத்தில் ஏற்றத்தாழ்வுகள் வந்துபோகும். அனைவரிடமும் கனிவுடன் பேசிப் பழக வேண்டிய நாள்.

சிம்ம ராசி நேயர்களே, அலைச்சல் அதிகரிப்பதால் சோர்வு உண்டாகும். பணம் சம்பந்தப்பட்ட விடயங்களில் யோசித்து செயல்படுவது நல்லது. கவனத்துடனும், பொறுமையுடனும் இருப்பது நல்லது.

கன்னி ராசி நேயர்களே, குடும்பத்தினர் ஆதரவாக இருப்பார்கள். கடனில் கணிசமான பகுதியை அடைப்பீர்கள். வியாபாரத்தில் லாபம் கிடைக்கும்.

துலாம் ராசி நேயர்களே, தொழிலில் புதிய முயற்சிகளை மேற்கொண்டு வெற்றிக்கான வாய்ப்பை அதிகரிப்பீர்கள். பணவரவு உண்டு. நண்பர்களால் ஆதாயம் கிட்டும். உணர்ச்சிவசப்படாமல் இருக்க வேண்டும்.

விருச்சிக ராசி நேயர்களே, நீண்ட நாட்களாக எதிர்பார்த்த காரியங்கள் கைகூடும். கணவன் மனைவியிடையே இருந்த மனக்கசப்பு நீங்கும். உறவினர்களால் நல்ல செய்திகள் வந்தடையும்.

தனுசு ராசி நேயர்களே, குடும்பத்தினரிடம் கனிவாக பழகுங்கள். எதிர்பார்த்த விடயங்கள் தாமதமாகலாம். சூழ்நிலை அறிந்து செயல்பட வேண்டிய நாள்.

மகர ராசி நேயர்களே, உறவினர்களிடத்தில் மரியாதை கூடும். கடினமான காரியங்களையும் உங்கள் புத்திக்கூர்மையால் எளிதாக செய்து முடிப்பீர்கள்‌. வாகனத்தில் செல்லும் போது கவனமாக இருக்க வேண்டும்.

கும்ப ராசி நேயர்களே, தொழில் வளரும். பால்ய நண்பர்களுடன் பேசி மகிழ்வீர்கள். எதிர்பாராத பணவரவு வரலாம்‌. வழக்குகள் சாதகமாக அமையும்.

மீன ராசி நேயர்களே, இன்று சிக்கனமாக செலவு செய்தால் நல்லது. நீண்ட நாட்களாக எதிர்பார்த்த நல்ல செய்திகள் வந்தடையும். குடும்பத்திலும், சமூகத்திலும் மரியாதை அதிகரிக்கும்.