102
யாழ்ப்பாணம் மல்லாகம் நீதவான் நீதிமன்றின் உத்தரவில் விளக்கமறியலில் வைக்கப்பட்ட சித்தன்கேணி பகுதியைச் சேர்ந்த நாகராசா அலெக்ஸ் (வயது 26) எனும் இளைஞன் யாழ்ப்பாணம் போதனா வைத்தியசாலையில் உயிரிழந்துள்ளார்.
உயிரிழந்த இளைஞனின் தாயார் உட்பட அவரின் உறவினர்கள், இளைஞன் வட்டுக்கோட்டை பொலிஸாரின் சித்திரவதையாலேயே உயிரிழந்துள்ளார் என குற்றஞ்சாட்டி வருகின்றனர்.
இந்நிலையில், உயிரிழந்த இளைஞன் வைத்திசாலையில் சிகிச்சை பெற்ற போது , தனக்குபொலிஸாரால் நடந்த சித்திரவதை தொடர்பில் பேசிய காணொளி சமூக வலைத்தளங்களில் பகிரப்பட்டு வருகின்றது.
குறித்த காணொளியில்” என்னை பொலிஸ் நிலையத்தில் வைத்து பொலிஸார் கடுமையாக தாக்கினர். இரண்டு கைகளையும் பின்புறமாக கட்டித் தூக்கி தாக்கினார்கள்.
துணி ஒன்றால் எனது முகத்தை மூடிக் கட்டி தண்ணீர் ஊற்றி தாக்கினார்கள். பெற்றோல் ஊற்றிய பொலித்தீன் பை ஒன்றை முகத்தில் போட்டு சித்திரவதை செய்தார்கள்.
அதன் பின்னர் எனக்கு குடிக்க சாராயம் தந்தார்கள். அவர்களின் தாக்குதல்கள், சித்திரவதைகள் தொடர்பில் வெளியில் சொல்லக் கூடாது எனவும் கடுமையாக என்னை மிரட்டினார்கள்.
பொலிஸாரின் தாக்குதல், சித்திரவதைகளுக்கு பிறகு என்னால் சாப்பிட முடியவில்லை. என தெரிவித்துள்ளார்.
