அவுஸ்திரேலியாவுக்கு எதிரான கடைசி டி20 போட்டியில் வெஸ்ட் இண்டீஸ் அணி 37 ரன்கள் வித்தியாசத்தில் மிரட்டலான வெற்றியை பெற்றது.
Perth-யில் நடந்த கடைசி டி20 போட்டியில் வெஸ்ட் இண்டீஸ் முதலில் பேட்டிங் செய்தது.
17 ரன்கள் எடுப்பதற்குள் 3 விக்கெட்டுகளை அடுத்தடுத்து இழந்து அணி தடுமாறியது.
அப்போது ரஸ்டன் சேஸ் அதிரடியாக 20 பந்தில் 37 ரன்களும், பௌல் 14 பந்தில் 21 ரன்களும் விளாசினர்.
அதன் பின்னர் பார்ட்டினர்ஷிப் அமைத்த ரசல் – ரூதர்போர்டு, அவுஸ்திரேலியாவின் பந்துவீச்சை சிதறடித்தனர்.
இதன்மூலம் வெஸ்ட் இண்டீஸ் 220 ரன்கள் குவித்தது. ரசல் 29 பந்தில் 7 சிக்ஸர், 4 பவுண்டரிகளுடன் 71 ரன்களும், ரூதர்போர்டு 40 பந்தில் 5 சிக்ஸர், 5 பவுண்டரிகளுடன் 67 ரன்களும் எடுத்தனர்.
அதன் பின்னர் ஆடிய அவுஸ்திரேலிய அணி 20 ஓவரில் 5 விக்கெட் இழப்பிற்கு 183 ரன்களே எடுத்து தோல்வியுற்றது.
டேவிட் வார்னர் 49 பந்தில் 81 ரன்களும், டிம் டேவிட் 19 பந்தில் 41 ரன்களும் விளாசினர்.
வெஸ்ட் இண்டீஸ் தரப்பில் ஷேப்பார்ட் மற்றும் சேஸ் தலா 2 விக்கெட்டுகளை கைப்பற்றினர்.
ஏற்கனவே தொடரை இழந்த வெஸ்ட் இண்டீஸ் அணிக்கு இது ஆறுதல் வெற்றியாக அமைந்தது.
