இரத்தத்தில் உள்ள சர்க்கரை அளவினை குறைக்க ஆரோக்கியமான உணவுகளை எடுத்துக் கொள்வதுபோல், சில பயிற்சிகளை மேற்கொள்ளலாம்.
நடைப்பயிற்சி: தினசரி அரைமணிநேரம் முதல் ஒரு மணிநேரம் வரை வேகமான நடைப்பயிற்சி செய்வதன் மூலம் இன்சுலின் உணர்திறன் அதிகரிக்கும்.
மேலும் இது இதய ஆரோக்கியத்தை மேம்படுத்துவதுடன், இரத்த சர்க்கரை அளவையும் குறைக்கும்.
Cycling: நாள் ஒன்றுக்கு 30 நிமிடங்கள் Cycling செய்வது உடலில் குளூக்கோஸ் அளவினை ஒழுங்குபடுத்தும்.
அதேபோல் இந்த பயிற்சி இதய ஆரோக்கியத்தை மேம்படுத்தும் என மருத்துவர்கள் பரிந்துரைக்கின்றனர்.
யோகாசனம்: இரத்த சர்க்கரை மேலாண்மைக்கும், மன அழுத்தத்தைக் குறைக்கவும் யோகா பயிற்சிகள் உதவும்.
எனவே, தினசரி 30 முதல் 60 நிமிடங்கள் வரை தீவிர யோகாசனம் செய்ய வேண்டும்.
நீச்சல் பயிற்சி: இரத்த சர்க்கரை அளவை கட்டுப்படுத்த தினமும் 30 முதல் 60 நிமிடங்கள் நீச்சல் பயிற்சி செய்யலாம்.
இந்த பயிற்சியானது இன்சுலின் உணர்திறன் மற்றும் இதய ஆரோக்கியத்தை மேம்படுத்தும்.
Skipping: Skipping ஆடுவது இதய துடிப்பை அதிகரித்து, எடை மேலாண்மைக்கு உதவுகிறது.
இந்த பயிற்சியை முதலில் மெதுவாக ஆரம்பிக்க வேண்டும். பின் 20 முதல் 30 நிமிடங்கள் வரை செய்ய வேண்டும்.
படி ஏறுதல்: குளூக்கோஸ் பயன்பாட்டை அதிகரிக்க கால் தசைகளை ஈடுபடுத்த வேண்டும்.
இதற்கு தினமும் 15 முதல் 20 நிமிடங்கள் படிக்கட்டுகளில் ஏறுவது, இரத்தத்தில் உள்ள சர்க்கரை அளவைக் கட்டுப்படுத்த சிறந்த வழி ஆகும்.
உடற்பயிற்சி: நாள் ஒன்றுக்கு 20 முதல் 30 நிமிடங்கள் உடற்பயிற்சி செய்வது அவசியம். வாரத்திற்கு மூன்று முறை இதனை செய்யலாம்.
இதன்மூலம் தசை தளர்வு உருவாக்கி, இன்சுலின் உணர்திறன் அதிகரிக்கும். இதனால் குளூக்கோஸ் வளர்சிதை மாற்றத்தையும் மேம்படுத்தும்.
