இலங்கை-ஆப்கானிஸ்தான் அணிகளுக்கிடையேயான 2வது டி20 போட்டி இன்று நடைபெற உள்ளது.
இலங்கைக்கு சுற்றுப்பயணம் மேற்கொண்டுள்ள ஆப்கானிஸ்தான் அணி, ஒருநாள் போட்டிகள் மற்றும் டி20 போட்டிகள் கொண்ட தொடரில் விளையாடி வருகிறது.
இதில் இரு அணிகளுக்கிடையேயான 3 போட்டிகள் கொண்ட ஒருநாள் தொடரை 3-0 என இலங்கை அணி கைப்பற்றிய நிலையில், தற்போது டி20 3 போட்டிகள் கொண்ட டி20 தொடர் நடைபெற்று வருகிறது.
இதில் முதல் டி20 போட்டியில் இலங்கை அணி 4 ரன்கள் வித்தியாசத்தில் த்ரில் வெற்றி பெற்றது. இதையடுத்து இன்று 2வது டி20 போட்டி தம்புள்ளாவில் உள்ள ரங்கிரி மைதானத்தில் இரவு 7 மணிக்கு தொடங்க உள்ளது.
ஏற்கனவே முதல் போட்டியில் இலங்கை வெற்றி பெற்றதால், இன்றைய போட்டியில் வெற்றி பெற்றால் தொடரைக் கைப்பற்றும். அதே சமயம் ஆப்கானிஸ்தான் அணி டி20யில் சிறப்பாக விளையாடி வருவதால், இந்த போட்டி ரசிகர்களுக்கு நல்ல விருந்தாக இருக்கும்.