தமிழகத்தில் கார் நொறுங்கி 6 பேர் பலி!

தமிழக மாவட்டம் தென்காசியில் லொறி மற்றும் கார் மோதிக் கொண்ட பயங்கர விபத்தில் 6 பேர் பலியாகினர்.

தென்காசியின் புளியங்குடியைச் சேர்ந்த 6 பேர் குற்றாலத்திற்கு காரில் சென்றுள்ளனர்.

அங்கு குளித்துவிட்டு அவர்கள் அனைவரும் ஊருக்கு திரும்பியுள்ளனர்.

அவர்கள் பயணித்த கார் சிங்கிலிப்பட்டி வழியாக செல்லும்போது எதிரே வந்த லொறி மீது நேருக்கு நேர் மோதியுள்ளது.

இதில் கார் அப்பளம் போல் நொறுங்கியதுடன், அதில் பயணித்த 6 பேரும் சம்பவ இடத்திலேயே பரிதாபமாக உயிரிழந்தனர்.

இதுகுறித்து தகவல் அறிந்த பொலிஸார் விபத்து பகுதிக்கு சென்று உயிரிழந்தவர்களின் உடல்களை மீட்டனர்.

மேலும் இதுதொடர்பாக வழக்குப்பதிவு செய்து விசாரணை நடத்தி வருகின்றனர்.

இந்த கோர விபத்தினால் தென்காசி – மதுரை தேசிய நெடுஞ்சாலை சுமார் 2 மணிநேரம் போக்குவரத்து நெரிசலால் பாதிக்கப்பட்டது.